Filmi "Oppenheimer”, fituesi i madh çmimeve Globi i Artë

Filmi "Oppenheimer" i regjisorit Christopher Nolan mori pesë çmime dhe fitoi në të gjitha kategoritë kryesore: filmi më i mirë dramatik, regjisori më i mire, aktori më i mirë për Cillian Murphy, i cili luan Robert Oppenheimer dhe aktori më i mirë në rol joprotagonist për Robert Downey Jr.

Regjisori Christopher Nolan

Paul Giamatti

Aktori Paul Giamatti dhe aktorja Da'Vine Joy Randolph fituan për intepretimin e tyre në filmin "The Holdovers."

Lily Gladstone u shpall aktorja më e mirë në kategorinë dramë, për rolin në filmin "Killers of the Flower Moon" të regjsorit Martin Scorsese. Gladstone, e cila e filloi fjalimin e saj pas marrjes së çmimit, duke folur në gjuhën e fisit të saj, Blackfeet Nation, është fituesja e parë indigjene në këtë kategori.

Aktorja Lily Gladstone

"Kjo është një fitore historike," tha aktorja Gladstone. “Nuk më takon vetëm mua”.

“Hi, Barbie”

Robert Downey Jr, u vlerësua si aktori më i mirë dytësor për rolin e tij në filmin “Oppenheimer”, duke çuar kështu në shtëpi për here të tretë një çmim të Golden Globes. Aktori Ryan Gosling ishte konsideruar konkurienti i tij më i fortë, një prej përballjeve të shumta “kokë më kokë” mes filmit "Oppenheimer" dhe filmit “Barbie” të regjisores Greta Gerwig.
Regjisorët u përballën edhe në kategorinë për regjisorin më të mirë, ku çmimin e mori Christopher Nolan.

Regjisorja Greta Gerwig dhe aktorja Margot Robbie

"Barbie", kryefjalë e vitit që lamë, ka arritur fitime prej 1,4 miliardë dollarësh.

Kënga e Billie Eilish' "What Was I Made For?" në filmin “Barbie” u vlerësua në kategorinë e këngës më të mire origjinale.

Këngëtarja Billie Eilish

Shumë menduan se ky çmim do shkonte për këngëtaren "Taylor Swift, por nuk ndodhi kështu.

Aktorja Margot Robbie

Margot Robbie, ylli dhe producentja e "Barbie", pranoi çmimin me një fustan rozë të modeluar sipas Superstar Barbie, të vitit 1977 .

Kasti i aktorëve të "Poor Things"

Rikthimi i Globit të Artë

Pak vite më parë, Globi i Artë ishin në prag të kolapsit. Pasi gazeta Los Angeles Times raportoi se Shoqata e Përfaqësuesve të Shtypit të Huaj në Hollivud (HFPA) nuk kishte anëtarë me ngjyrë, Hollivudi e bojkotoi organizatën.

Në vitin 2022 çmimet u anuluan dhe u hoqën nga TV. Pas reformave, ceremonia u rikthye në rrjetin NBC vitin e kaluar në një marrëveshje njëvjeçare.
Ceremonia tërhoqi 6.3 milionë shikues, një nivel i ri i ulët në NBC dhe shumë larg nga rreth 20 milionë shikues që e kishin ndjekur më parë përmes ekranit.

Golden Globes u blenë nga Eldridge Industries dhe Dick Clark Productions, të cilat i zotëron Penske Media, dhe u kthyen në një sipërmarrje fitimprurëse.

Shoqata e Përfaqësuesve të Shtypit të Huaj që raportojnë mbi Hollivudin, që kishte rreth 90 votues, u shpërbë dhe tani për çmimet votojnë një grup prej rreth 300 gazetarësh nga e gjithë bota.

Këtë vit, për shkak të grevave të aktorëve dhe skenaristëve, çmimet Globi i Artë u transmetuan përpara atyre Emmy, që u shtynë për në 15 janar./ VOA

K.M/Shqiptarja.com

TAG:
• poor things
• Barbie
• oppenheimer
• SHBA